اصدقائي في كل مكان بالرغم من مصاعب وآلام السنين الماضية والظروف الصعبة يلي مرينا فيها خصوصاً ببلدي سوريا مافينا غير نتأمل بالأيام الجاية انها تكون كلها خير ودفء وأمل وتتحقق امانينا يلي طالما انتظرناها .. كل عام وانتم بخير محبتي #ياسر_العظمة
أصدقائي في كل مكان كونوا على الموعد برنامج مع ياسر العظمة على فيس بوك ويوتيوب #ياسر_العظمة نظرةٌ ، فابتسامةٌ ، فسلامٌ …فكلامٌ ، فموعدٌ ، فلقاءُ !
أوجعنا مصابك يا أبو وديع كما أوجعك . هذه مشيئة الله قلبي معك. ياسر العظمة #جورج_وسوف
صورة تذكارية في حلب مع الأصدقاء أسامة الروماني وحسام تحسين بيك سنة 1974 . . . _____________________________ #ياسر_العظمة #حسام_تحسين_بيك #أسامة_الروماني
احبائي في كل مكان ورجعتُ…مااحلى الرجوع اليكم ..قريباً …مع ياسر العظمة
في عمر الثالثة عشرة (الصف السادس )عام١٩٥٥ ثانوية دوما الواقعة في احضان البساتين الجميلة . استراحة بين الدوام الصباحي والدوام المسائي #ياسر_العظمة #دوما #دمشق #1955
عزابي انا عزابي عايش عمري كتير مبسوط عمري خمسين واكتر بس انا حر مالي مربوط مابدي مرا تفاتشني وتملي علي شروط رفقاتي يلي بسني عندن طرش وعر ولاد وفي منن صارو جدود وفي منن عندن احفاد وكرمال ولادو الواحد عايشلك متل الشحاد عم بسهر وين مابدي مافي مين يقلي ليش متأخر برجع بيتي يومياً متل الخفافيش عم بصرف عملة وفنغر على كيفي انا بدي عيش انا صدفة وقعت بضعفة ومافي مين يمرضني على حالي مسكر بابي ومافي مسن بوانسني ياريت في عندي زوجة وحواليي بنتي وابني #ياسر_العظمة #اغاني_مرايا
كل عام وأنتم بخير أحبائي أتمنى لكم سنة خير وسعادة وأمان ودفئ #ياسر_العظمة
الله يديم الصحة علينا والنفسية المقتنعة ياربي راضي بحياتي بسمة كانت او دمعة او ارفعلك انفي فوق بأول عطسة بيتنزل خليني داير بالسوق وشغلي بياع مخلل خايفلك لو عندي فلوس تتغيرلك نفسيتي خليني عم بيع السوس وخليني على وضعيتي لو قالو صبي حمام عن حالي مارح دافع احسن مااشقى وانضام واشحد على بابا الجامع لو بركض ركض الوحوش لقمة يومي مقسومة غير الرزقة مارح حوش الشغلة صارت مفهومة بمال العالم مالي طمعة راضي بحظي ونصيبي جدي ورتني هالصنعة وشو عيبو القباقيبي لو بدي اعملك بيك واترك شغلة السكافي مين بدو يرقع صراميك ورح تمشي برجلك حافي لو قالولي بوابيري مارح كابر بالمحسوس شغلي احسن من غيري بيكفي اني بنفض روس الله يديم الصحة علينا مافي احلى من الصحة ياربي بحبحلي رزقي وخلي الصحة بمطرحها
بزمانو كان في عنا ترين يمشي عالحطب وكنا نقعد شي يومين تنوصل حلب ولهلق كلشي ماشي بسرعة هالترين قالو يلي بدو يسكن بيت بجمعية رح ياخد مفتاحو على وش الشتوية ويلي صاير فينا كلو ضحك علينا بشهر بتطلع ناطحات وعنا بشي قرنين صرلي طالب تلفون من شي عشر سنين وصرنا عالعكازة ومالن مهتمين ابني عمرو شهرين طالبلو تلفونين بركي بكرة على قبري بيقرالي وردين عنا في بالحارة عنا مشروعات كتير ويلي عم يخيلنا ماعم تخلص تعمير المتعهد كل سنتين عم يرصفلو حجرين والعالم بينهم والقمر ساوولك جسرين بزمانو كان في عنا ترين يمشي عالحطب وكنا نقعد شي يومين تنوصل حلب وكل مابتطلع حواليي بتذكر هالترين بتذكر هالترين هالترين هالترين #ياسر_العظمة #مرايا #اغاني_مرايا
وطني خيرك موجود وكلشي بالسوق مفقود تجارك فوق الريح يلي ضهرن مسنود اهل المزة دبحو وزة وحشوها خبز الرز مفقود ياحكومة حطي حدود للسمسار النمرود دبابير الحارة كتار مصو دم العنقود ام منور بدا سكر والسكر مافي للمعود علقنا عالعامود حكمة للصبر حدود وقروها المسؤولين وماحدا فهم المقصود عيشة غريبة دنيا عجيبة وطول عمر الزبيبة براسا عود انا جايب خبر جديد الحكومة بقبضة حديد رح تضرب كل سمسار وحديد السوق مفقود بدنا نحكي بدنا نشكي ولو سحبو علينا سيوف وفرود .. .. مافي مين يل يسمع ولاحتى عيون تقشع ومهما يقوى المدفع سمعان مالو موجود وطني خيرك موجود وضمير الناس مفسود غزلانك ياوطني على غفلة صارو قرود …. ياسر #ياسر_العظمة #اغاني_المرايا #مرايا
مرتي يابدرية شدي الحزام شوية مرتي يابدرية شدي الحزام شوية ضبي إيدك ياروحي وخفضيلي الميزانية عم بركض ماعم لحق من ارنة لإرنة بخفق والحالة هي هي ياي ياي ايا يا يا ياي ياي عينوني محاسب من الجمل ادنو الراتب بصرف شيك وبقبض شيك من هالمليونيرية ياي ياي بيقولو مافي مصاري وبيحكو بالأخبار بالأزمة الاقتصادية عندي حمار وطنبر والبيك بتختو بيشخر ايه من ملايينو وفائدتهم عم ياكل كول وشكور ياي ياي ورتانهم من امو والحارة هي امو ياصنف العربجية قاعد بالأميم وبجيبي مافي مليم لاعندي شركة ولاعندي بضاعة للتأمين ياي ياي نايم ومريح بالي يلي متلي ياخالي بينامو بالبرية جاري فلوسو كتيرة من كترها عندي حيرة غير الدولار واسعارو مافي عندو سيرة ياي ياي خليني عم اتعب من عرقي عم اكسب بالعملة العربية ياي ياي #ياسر_العظمة #اغاني_مرايا
يبدو ان الشاطر الذي استعار صورتي لكنه لايعرف انها تعود لمسلسل ( وتعود القدس ) مع الفنان المصري عبد الله غيث . . . #ياسر_العظمة #عبد_الله_غيث #مرايا #وتعود_القدس
#بني_آدم #مرايا #ياسر_العظمة
قصيدة عربلمية #مرايا #ياسر_العظمة
شوف ياابني شوف وضع الحارة شوف صرنا عالمكشوف عالحضارة ضيوف شوف باابني شوف اهل الحي بأول عهدن كانو مشعل للحضارة والإفرنجي اجا من بعدن كمل جهد ولاد الحارة لكن هلق شوف شو صاير فينا تغيرت الظروف ركضو وسبقونا شوف ياابني شوف هلق نحنا لما ارتحنا صار الإفرنجي يناطحنا ومن دور ع اللي بينصحنا بأكلة كرشة رح تصطحنا وصار عندن صواريخ وصلو للمريخ ونحنا هالمنافيخ عم نشوي عالسيخ مصارين الخاروف علماء العالم ملهية بالعلوم الإنسانية ونحنا هالحارة العربية مشغولين بدق المية أبطال الكلام كلن من عنا والشاطر قوام خطبة بيسلخنا وعنا منو ألوف ياابني هالجيل لازم يتوعى وان كنك اصيل بكبرك رح تسعى تحارب فينا الخوف #ياسر_العظمة #مرايا # اغاني_مرايا
