Laila Ahmed Zaher Instagram – البوست ده في حب الملحن التقيل الشاطر قوي اسلام زكي، بداية شغلنا مع بعض كانت في مسرحية عائلة لاسعة جداً، عملنا مع بعض اغنية “انا لايقة علي النجومية” للمسرحية و ساعتها حصل مابيننا كيميا رهيبة و ذوقنا في المزيكا زي بعض و افكارنا واحدة من ساعتها و انت مأمن بيا و بموهبتي و طول الوقت كنت بتشجعني اني اكمل في الغنا و اتفقنا اننا نعمل مع بعض cover و قبل ما اجي اسجل بيوم كلمتني قلتلي انتي لازم تغني اغنية جديدة مش cover بس لازم تيجي اسمعك كذا اغنية ضروري منهم أغنية “كلمة اخيرة” و بعد ما جيت و سمعت، الاغنية اللي أبهرتني و لمست قلبي كانت كلمة أخيرة و انت من كتر ما احنا ذوقنا شبه بعض كنت متأكد اني هختار الأغنية دي بالذات قلتلك يا إسلام انا خايفة الأغنية تقيلة و صعبة جداً قلتلي انا متأكد إنك هتقدري و انا مش شايف حد غيرك يغنيها و شجعتني و اشتغلت علي اللحن و التوزيع و كل حاجة بكل حب و اخلاص عشان تطلع للناس بالشكل دة . شكرًا من كل قلبي يا اسلام علي حبك و شطارتك و إيمانك بيا و يارب دايما نعمل أغاني حلوة مع بعض تعجب الناس و يارب دايماً ناجح❤️❤️❤️❤️❤️❤️❤️