DeeGor Ho Instagram – ［‼支持何啟華____⁉️］ 其實我係咁諗嘅⋯ #陰目偵信 嘅誕生 我好知道我係「最大贏家」 由我day 1立志要做電影演員 就知道自己咩料 「主角？想追影帝緊係想做啦～ 但電影世界有一個不變嘅主觀因素 就係先天外形啦 有就有 冇就冇 咁出到公海比較就知自己賣性格㗎喇 努力同能力就基本要有 睇自己啦～ 咁即係「命」加「運」嘅事」 （當然我都知自己有靚嘅一面 雯雯羊群404們放心😂 我即時腦補咗你地吹奏嘅畫面） 咁「命」+「運」就真係 Error 啦 有Error所以我做藝人嘅命運就開展咗 呢張主角入場券真係同佢地三個一齊換返嚟 一世人四兄弟 知大家咩料啦 🤜🏽🤛🏻🤛🏾🤛🏼講經咩 而我最失望⋯其實係自己嘅演出⋯ 演員通病 自己睇自己特別多沙石 老師話係遺憾嘅藝術 總可以更好 但我只好咁問自己⋯ 「我當時有冇盡最大嘅努力？」有‼️ 咁自己未夠好就自己之後慢慢諗啦 於是我就釋懷咗少少🤏 票房？失唔失望，當然有 不過由於我係「最大贏家」嘅關係 所以我自私地好快就過咗呢個階段 反而係為團隊而焦慮嘅焦慮就真係困擾我 好無力😮‍💨 「點解我地明明咁努力咁熱血去做一件事，唔可以俾個好嘅結局我？」- 小太郎 大家都諗緊小太郎係咪自己燈咗自己套戲 所以搞到我好焦慮，講笑啫～😂 係佢地眾多焦慮當中 好多都唔係我能力範疇內理解 我只有一樣係可以分擔 就係趁有時間做多啲宣傳跑多幾場謝票 而我清楚自己比任何一位演員 都更應份地努力跑多幾場 #陰目偵信 發咗我人生第一次電影主角嘅夢 仲要揀八月十號 我生日上映 呢份刻意得嚟又意外地巧合嘅心意 我收到晒🫶🏻 只好趁未落畫之前 鞠躬盡瘁 盡瘁啦 答報返成就呢件不可能的事嘅每一位 其實入咗行之後就知 只要有人肯講 就其實乜都係宣傳 所以我發現依家論宣傳其實都幾夠😂 #陰目偵信 背後多咗好多 #hashtag 咁⋯我又自私啲咁諗⋯ 又真係好過上完落埋畫都冇人知🙈⋯ 有留意香港電影嘅都知 呢啲事都⋯幾常見⋯ 所以我天真地自私再諗⋯ 其實真係輸唔晒吖⋯😅至少有人講 ❤️🥹 人有人嘅命運 電影有電影嘅命運 我係信㗎 最重要我知道過程中 我地冇放棄過做到最好🔥就啱㗎啦‼️ 最後我知會有記者朋友問 你由一億乜乜乜去到乜乜乜 你點諗？ 不如我試下提前作答咗先啦 「首先我要多謝傳媒朋友嘅寵愛 當日陪我一齊癲 搞呢個gag 瘋狂吹奏 其實一億定一百 對我嚟講 當然有分別 講出嚟嘅氣勢都唔同啲😂 不過就真係冇嘢輸 有一日冇人再搵我拍戲 我就真係輸🥹（touch wood🪵 ） 一於就嚟個update 今日起唔好吹奏支持何啟華一億嘅gag❌ 與時俱進由底價一百開始 支持何啟華一百☝🏻 「哈囉，大家好我係何啟華一百，以我觀察搵我拍戲，座底點都會有一百個人肯睇嘅，放心，個數字係會持續上升㗎，我係唔會放棄㗎！」 我由一蚊都唔值 行到有一百個人肯為我洗一百蚊 我就知個天真係待我不薄 依家就麻煩個天再幫我立個新數字 送我繼續上路修練🫶🏻 “支持何啟華_____。”？」 多謝大家賜予我「#小太郎」 賜予我機會獻出第一次 同場上演一齣 《何啟華的不可能任務》 （Mission in Ho Kai Wa life is impossible） 我都可以係主角！？！？冇錯！！ 謝票場見❤️ 📸： @dannycha_n I learn a lot from you Thank you ,Sir 🫡