Ketaki Mategaonkar Instagram – प्रिय अक्षय ❤️ आज तुझा वाढदिवस. तुझ्या स्वतःच्या आवाजातलं तुझं पहिलं गाणं जे तू पहिल्यांदा स्टुडिओत जाऊन रेकॉर्ड केलंस, ते रसिकांपुढे आणण्यासाठी आजच्या दिवसापेक्षा चांगला दिवस कुठला असणार? म्हणून ते आज रिलीज करतो आहे. तू गुरूंकडे जाऊन जी मेहनत घेतलीस त्याचा परिपाक या गाण्यात पूर्णपणे उतरला आहे. “माई अल्बम ” हे संपूर्णपणे आपल्या माटेगांवकर फॅमिलीचं प्रोजेक्ट आहे. केतकी ताईने संगीतबद्ध केलेल्या आणि अमेय दादाने मिक्स मास्टर केलेल्या ह्या गीताला तू एका वेगळ्याच उंचीवर नेऊन ठेवलं आहेस. साठ वर्षांपूर्वी तुझ्या पणजी आजीनी (माई ) लिहिलेलं हे गाणं जेव्हा आपण स्टुडिओत रेकॉर्ड केलं, तेव्हा आम्हाला यत्किंचितही कल्पना नव्हती की तू ते गाणं माई आजीच्या कुशीत बसून ऐकशील— ” देह औदुंबर आत्मा गुरुवर, नांदे निरंतर हृदया माजी ” या शब्दांत मधल्या गुरु तत्वाला समजून तू जो न्याय दिलास तो शब्दातीत आहे. तुझ्या या सुंदर स्वरांच्या रूपात तू सदैव आमच्या अंतःकरणात तेवत राहशील—खूप खूप प्रेम ❤️ तुझेच…. केतकी ताई आकांक्षा अम्मू दादा चै आई, बाबा, आशा आजी, पराग काका , सुवर्णा काकू , प्रफुल्ल काका , मम्मा .