Hins Cheung Instagram – 上個禮拜呢一次甲型流感併發哮喘, 可以話係近年喺工作過程當中出現身體嘅唔舒服, 對聲音影響最少嘅一次。 最主要嘅原因, 都係同過去大半年加強咗練習有關。
總結過去幾次喺感冒嘅時候嚴重影響聲帶, 我嘗試去搵一啲其他嘅發音位置作為補給, 萬一如果因為身體唔舒服嘅話可以借用其他嘅發音位置唱到類似嘅效果而唔需要影響工作, 畢竟我嘅工作唔係淨係我一個人嘅事。
喺喉嚨唔舒服或者聲帶有問題嘅時候, 借用多啲鼻腔嘅共鳴發聲, 例如喺需要用到chest voice上高音嘅時候用以鼻腔共鳴為發聲支點嘅mix voice或者head voice, 係會對聲音嘅運用同減少聲帶嘅負荷有幫助嘅。
#後樓梯係練歌最好嘅地方 #鍾意唱歌嘅朋友
#對我呢種先天聲線條件唔算特別好嘅人
#我自己vocal嘅黃金定律 係
思考⏩正確嘅練習方法⏩調整⏩不斷嘅練習,唔好放過自己⏩將所練嘅嘢變成肌肉記憶⏩放低曬所有練嘅嘢、技巧⏩調動腦海當中嘅情感記憶⏩練習以講說話嘅方式將旋律唱出嚟 | Posted on 06/Jan/2024 09:49:45
