Hins Cheung Instagram – 每年一到12月喺 Social media 都會有好多朋友去為自己嘅一年做總結,今年等我又湊下熱鬧先。
今年好感恩可以有Wyman @concertyy 寫畀我嘅呢一首 。首歌本來寫嘅過程好平靜, 但係佢就因為我嘅倫敦之旅而令到呢首歌好戲劇性咁樣存在咗喺我嘅職業生涯入面。
從Wyman連夜填寫歌詞, 到Johnny @johnnyyim 脫離電腦、全人手編曲, 又到第一次演唱就係喺倫敦Royal Albert Hall嘅演唱會上面; 再直到因為父母染疫滯留倫敦, 繼而喺倫敦拍埋mv, 成件事都好夢幻。係疫情嘅三年幾入面, 我總係會有好多計劃好嘅事被打亂, 但係打完之後又獲得畀先前嘅計劃更好嘅結果。
多謝Wyman, 多謝Johnny, 多謝每一位喺呢一首歌嘅唔同版本當中參與過嘅朋友, 多謝各位令到我今年嘅呢一首歌有咗唔同嘅面貌, 畀咗好多啟發我。 呢一首歌嘅詞係嘅延伸, 寫嘅係一種人， 一種喺自己建構嘅宇宙入面流連忘返嘅人, 一種幻想家。 而隱形遊樂場呢, 則係因為呢一種人通過彼此嘅共鳴共振而一同搵到嘅遊樂場。
2023年隱形遊樂場嘅最終篇, 我搵嚟咗嘅爸爸之一 Carl叔叔 @wongsheungchuncarl , 再加埋鋼琴家 @hobing_goomusic 將呢一段17年嚟通過小鹿與飛象盛載嘅夢想, 建構成為夢想家嘅遊樂場。
收到新嘅編曲之後, 我眯埋眼由頭到尾唱咗七take， 呢個版本係最後一take。唱嘅時候我覺得自己係一個小朋友, 好想好想畀你見到我心入面已經起好咗嘅嗰一個遊樂場。
頒獎禮最喜愛歌曲嘅投選今個禮拜就截止了, 無論得獎與否, 我都感恩呢一首歌喺今年帶畀我嘅呢一個奇幻旅程同埋當中嘅經歷以及眼淚。多謝每一位支持呢一首歌、或者投選呢一首歌嘅朋友, 無論你喺邊一個地方、喺人生嘅乜嘢階段, 我都祝福你： 帶住希望, 遠征未來！
🎡隱形遊樂場 — 真想給你見到它🎠
各大數碼音樂平台現已上架
特別鳴謝：
Cover Art by @alex_x916
Production Supervisor @channel.isaac
Mixed by @frankiehung_fkh | Posted on 19/Dec/2023 18:29:18
