Aïcha Ben Ahmed Instagram – تلقيت دعوه كريمه لزيارة مستشفى سرطان الاطفال ٥٧٣٥٧ – من د. ايمن الغزالى حرب) المستشفى هو اكبر صرح طبى لعلاج سرطان الاطفال فى العالم من حيث عدد الاسرًه ( حوالى ٣٠٠ سرير) نسب الشفاء فيه تقترب من نسب الشفا العالمية. شوفت معمل من اكبر وافضل واحدث المعامل المميكنه لتحاليل الدم. زرت جهاز السايبر نايف وهو احدث جهاز علاج اشعاعى موجود فى افريقيا للاورام الدقيقه مثل ( المخ والكبد والكلى والرئه والبروستاتا). الجهاز بيعالج الورم بتقنيه مميزه مبنيه على الذكاء الاصطناعى وبعدد جلسات قليله وبدون تدخل جراحى وبدون اثار جانبيه. كمان شوفت الاطفال ولعبت ورسمت معاهم فى مركز الابداع الفنى (العلاج بالفن) وشوفت قد ايه الدعم النفسى للاطفال وذويهم شئ مهم جدا بالتوازى مع العلاج الكيماوي والاشعاعى. شوفت قد ايه اهتمام ورعايه ونظافة من كل العاملين وطاقة الحب اللى موجوده من اول دخولى المكان وكمان شغفهم وطاقتهم لتقديم كل الدعم للاطفال. انا فى الحقيقه فخوره بوجود صرح طبى زى 57357 فى افريقيا بيقدم خدمه طبيه و نفسيه زى كده للاطفال مرضى السرطان بالمجان والاهتمام بالعامل النفسى للطفل وذويه وبدعو كل شخص انه يزور مستشفى 57357 ويقدم الدعم للاطفال ويتبرع باللى يقدر عليه لان تبرعه هيفرق كتير فى علاج طفل مريض حابه اشكر كل شخص ساهم بوقته او بتبرعه انه يفرح الاطفال… انا مهما اقول عن المكان مش هوفيه حقه.. اللى حابب يزور الولاد او عنده أى استفسار..يتصل على ١٩٠٥٧.. و لمعلومات اكتر .. زوروا الموقع الالكترونى www.57357.org @hospital57357_ @ayman_elghazaly_harb