Ronny Brede Aase Instagram – Eg har gifta meg, og fått to barn med, den råaste dama i verda.
Tenk at eg fann ho. At ho ville ha meg.
Ho som boblar sånn av overskot, trass fødsel, cellegift, blodprøver, sjukehussaft med isbitar og legefrakkar i fleng.
Ho øsar kjærleik og omsorg over våre vakre born. Leverer i barnehagen, lagar estragonkylling, les om bukkane Bruse. Vuggar, akar, matar, fyrer i peisen.
Når eg ser korleis ho tek kvardagen på strak arm, no når livet ristar så hardt i ho, blir eg full av beundring. Og så veit eg at ho og eg og vi skal halde fram med å leve vårt beste liv. Berre mindre bekymringsfult når dette kaoset har lagt seg.
Tenk at eg fann ho. At ho ville ha meg. At vi ville samstundes, og for all tid etterpå.
Eg er aller heldigst. | Posted on 11/Jan/2024 22:00:03
