Louisa Mak Instagram – 唔少朋友都問我，哇搞三場婚禮，咪好辛苦！的確係，完事後直情要瞓足成個禮拜先recover到。其實唔係因為想搞到好「盛」大，而係源自於一個儘量make everyone happy嘅初心。 由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。 第一場盆菜宴，主角係老爺奶奶。我地盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。 第二場係正常擺酒，主角就係麥生麥太，菜式、流程、程序等都以佢地嘅意見為首。圍數全部歸佢地兩老，只受場地所限而唔使同對家協調😌 婚紗款色都迎合佢地喜好 至於第三場，就係更瘋狂嘅party，主角終於係我同盛生喇✌️因為之前已經take care 咗雙方父母嘅要求，呢次我哋就可以盡情選擇自己鍾意嘅嘢 – 戶外草地、樂隊歌曲、西式食物、無限酒精🫢… 爸爸媽媽雖然唔識欣賞，但係都好盡力去嘗試投入 😂 呢個安排，幫我地避免咗唔少衝突。男女家唔使爭圍數、長輩和後輩唔使爭論食物和形式係中式定西式；頭兩場我和盛生安分守己地做好兒子和女兒的本分，再於尾場玩得好盡興🥳（盡興到啲相都唔出得街🤪)。咁壞處就係… 真係好攰🫠。 每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話「冇咩所謂，簡簡單單就OK」呢句說話… ummm.. 千祈唔好盡信呀🤪唔知你哋又有冇啲咩婚禮後嘅insight呢？喺comment share吓吖！ 最後，多謝 @agnesb_cafefleuriste 為三場婚宴都提供無限量超好食蛋糕😌 無論喺中式定西式婚宴、男家定女家、長輩定小朋友，蛋糕都一樣咁受歡迎😍 #勁甜麥 photo 1, 2, 5, 8 @taptsov_photography photo 4 @orbsproductionwedding photo 6, 7, 9, 10 @stein_image