Samar Qupty

Samar Qupty Instagram – هالمشوار هاد كان بداي.
بداي لمشروع فنّي كبير ما بعرف حدود ولا دُوَل. بِعرف فنّ عربي راقي، جميل وصادق.
بداي لتعاون مع اهم وأفخم وجوه الدراما العربّية، وجوه ربينا عليها، وكان لقاءها زي الحلم، والشّغل معها نوع من الاوفوريا.
بداي لفتح ابواب لجيل قادم، قوي، موهوب معتزّ بنفسه وبهويتُه، ليكون عنده فُرصة يكون مين ما هو كفنّان وكإنسان في أجواء بتحترمه، بتتقبّلُه وما بتطلب منّه الاعتذار. اجواء بتعطيه الفرصة الّي كنت اتمنّى وجودها إلي قبل ١٠ سنين لمّا فُتت عالم الفن.
فخورة وسعيدة وممتنّة اكون اليوم، سوا مع صديقي الفنّان الرائع اديب صفدي، في أكبر واوّل مشروع يعمل على بناء جسر فنّي بيننا وبين العالم العربي. ارسلنا مجموعة رائعة من شباب وصبايا مجتمعنا ليشاركو في ورشة حصريّة مع العملاقة الفنّانة منى واصف، ليعرفو انّو في أمل، في بَديل، وفي مجال يحسّو ونحِسّ جميعاً اننّا جزء، وانّو فنّنا وصوتنا راح يوصل عبر منصّات ترانا سواسية وأكثر.
بالنّسبة لإلي كفناّنة يمكن مأقدرش اصلّح العالم، ولا اسيطر على كمّيات الوجع والقهر والظّلم الّي احنا موجودين فيه، بس بقدر أحارب انّو توصل كلمتي، وجودي، كياني وهويتي بالطريقة الّتي تليق بي، وهاد الباب الّي انفتح، بعد مجهود وطريق طويل، بسوى الف باب سكّروه بوجهي.
هاي هي رسالتي.
وبوجود زملاء معي زي اديب، وبكل تواضع،
الحدود هي السّماء @adeebsafadi
Hair by: @jozaf_hairdresser | Posted on 25/Apr/2024 02:09:48