Razane Jammal Instagram – بفتخر إنّي بنتمي ل مركز سرطان الأطفال وبفتخر بتاريخ هالجمعية وبكل شي عملته للأطفال المصابين بمرض السرطان من سنة ال 2002 لهلأ. ومن بعد 22 سنة، ومع كل الصعوبات الاقتصادية يلّي واجهناها بلبنان وخاصةً بعد الإنفجار، هالجمعية بدل ما تسكر بوابها بقيت واقفة على إجريا وإذا شي زادت مسؤولياتها وعدد الأطفال يلّي عم تهتم فيهن. متل ما بتعرفو، أنا خسرت إمّي بالسرطان ،وهيدي كانت أصعب تجربة بعيشها بحياتي.. لمّا منخسر حدا منحبّو عندنا خيارين: يا منستسلم، يا منقرّر إنّو نعطي معنى لحياتنا. ومسؤوليتنا نحنا يلي بقينا هون إنو نحمل الشعلة ونكمل مسيرة يلّي راحو وننشر الأمل والتوعية قد ما فينا. شكرا لكل الناس يلي شاركونا بالحفل وحسسّونا إنو نحنا عايلة وحدة. شكرا لكل يلّي تبرّعوا و كل شخص ساعدنا انه نكون سند لهالعيل يلّي بحاجة لإلنا وساعد هالأطفال الأبطال يلّي عم يمرؤو بأصعب مرحلة بحياتن. Styled by @farahmounzer