Cecilia So Instagram – 竟然俾我搵返十幾年前的出土文物🥹
話說琴晚睇緊奧運體操，講起以前都有玩過彈網，居然係Facebook 俾我搵到十幾年前參加學屆嘅片🥹
中二果陣入咗彈網隊（純粹覺得無咩人玩彈網所以好似幾特別）點知就愛上咗呢個運動。
望落去好似係一個人做哂啲動作是孤獨的旅程但係其實每次上去跳周圍都一定要有隊友保護，有一次試過飛咗出網成個人頭向下插，好彩有隊友攬住咗我🙂↔️
而下面果個人唔單止係驚你會跌落嚟，仲會同你講你邊到夾得唔實，邊個位放得唔夠高，點先可以做好啲，比賽果陣隊友好似緊張過你，輸咗會攬住一齊喊。
一個星期練四至五日，每日放學都衝去操場練到學校閂門，星期六學校唔開仲出去搵呀sir 其他教嘅地方練，果陣好攰但係真係好開心☺️
想講練咗幾年先練到最後果個空翻，所以每次睇奧運見到選手每個動作都兩個空翻起跳我真係想像唔到要放幾多時間幾多努力先做得到🥹
咁多年之後諗返起，原來我最記得嘅係入咗彈網隊有幾開心，最後呢個十六歲嘅我雖然只係拎過一個銅牌（因為得五個人參加🤣），之後都因為無地方可以俾我地跳而無再玩過，但係我都好慶幸自己因為「好似幾特別」而揀咗呢個運動🥹🤍 | Posted on 03/Aug/2024 16:52:52
