Mona Zaki Instagram – مبروك لمنى داوود بفيلمها “لوحدي” اللي شاركت في كتابته شهيرة جلال وماريان حنا بفيلمها “طرحة مريم” وفاطمة عابد بفيلمها “يلا” على فوزهم في حاضنة أفلام HerStory Films ومتحمسين إننا نشوف أفلامهم القصيرة اللي هيتم انتاجها!✨
امبارح كانت الخطوة الأخيرة لحاضنة أفلام شركة HerStory Films اللي جمعت ٦ صانعات أفلام قدموا أفلامهم بعد ما حضروا ورش عمل مختلفة مع مدربين ماهرين في صناعة الأفلام وساعدوهم إن يطوروا مشارعهم وتم اختيار ٣ مشاريع وهيتم انتاجهم من شركة HerStory Films بالشراكة مع السفارة الهولندية.
كل صانعة أفلام قدمت مشروعها قدام لجنة التحكيم اللي جمعت مؤسسة ومديرة HerStory Films مي عبد العظيم ومسؤولة سياسيات النوع الاجتماعي في السفارة الهولندية كارولين ناصيف، والمنتج السينمائي صفي الدين محمود، والمخرج والمنتج مارك لطفي، ولجنة التحكيم اختاروا ٣ مشاريع عشان يتم انتاجهم!
كل ده ماكنش هيحصل من غير مجهودات مديرة المشروع المنتجة آية دوارة ومنسقة المشروع تقى عمر!🫶🏼
HerStory Films هي أول شركة أفلام متخصصة في إنتاج وتطوير أفلام لصانعات الأفلام في العالم العربي، وهي شراكة بين رائدة الأعمال مي عبد العظيم والنجمة منى زكي. | Posted on 04/Jul/2024 18:51:58
