Janis Chan Instagram – 🦓🐘🌳
今晚10點《無窮之路4一帶一路》即將播出最後一集。非洲肯尼亞。
回想起3年前2021年5月，就這樣拖着個篋，經過21日隔離，開展了《無窮之路》第一輯的拍攝。當時世界因疫情而反轉了，眼前未來亦是一片未知。就這樣，就踏上了征途。
走着走着，呢幾年嚟因為工作關係差不多踏遍整個中國，今年更加去了7個國家。過程點滴在心頭。
好開心聽到各地嘅觀眾網民喺唔同嘅平台留言，甚至乎喺街上見到我都會主動同我講，話好鍾意《無窮之路》，俾到佢哋好多力量同感動，令佢哋知道喺唔同地方原來仍然有人在這樣堅強地活着，仍然有人在默默地耕耘為其他人付出同貢獻。
你哋嘅觀後感，就係艱辛拍攝背後嘅原動力。拍到今年呢四輯《無窮之路》，我有沒有更得心應手了？其實沒有，反而是每次都要求自己更高同更加小心認真。因為我成日覺得我拍紀錄片就係想為時代記錄低呢個年代最真實嘅故事。希望若干年後如果有人想知道返我哋呢個年代發生過嘅事，佢哋睇返節目就可以感受到我哋呢個年代，果份「人嘅力量」。
最近看新聞令人唔開心的事情也不少
其實人生是一場旅程
一條向前的單程路
走走看看
自在無悔
這幾年
大家也艱難
時間過得不容易
生活艱辛漫長
這幾年
走過這些路
見過這些人
我漸漸學會同「時間」成為朋友
我成日覺得時間係好殘酷，唔等人，你開心嘅時候想享受耐啲咩？時間唔會為你而停留。
一走了之一流而逝。
所以要學會珍惜當下
但係時間其實亦都係好公平。
你唔開心嘅時候
堅持、忍耐。
時間亦一定會過。
一分一秒
絲毫不差
開心又係咁過
唔開心又係咁過
開心時候享受
唔開心時候學習
共勉。
感恩
繼續向前。
今輯收視係四輯之冠，多謝大家支持！
慶幸能夠參與其中，為大家紀錄下歴史。
♾️ | Posted on 08/Dec/2024 16:56:29
